Change of Heart – Jodi Picoult

Еден момент Џун Нилон ужива во своето среќно семејство, а веќе во следниот останува без едната ќерка и сопругот. 11 години подоцна се бори за животот на нејзината втора ќерка на која итно ѝ е потребна трансплантација на срцето. А што ако во моментот единствен кој може да ја спаси е токму човекот кој е виновен за смртта на нејзините најблиски?
Шеј Борн е осуденик кој ја чека својата смртна казна и има една последна желба – своето срце да го донира на Клер, единаесетгодишната ќерка на Џун. Тој чувствува покајание и сака по цена на сопствениот живот, да спаси туѓ. Џун е ставена пред тешка одлука – дали да го прифати тоа и да му ја исполни желбата на човекот кој ѝ нанел толку голема загуба, или да стори сè што е потребно за да ја спаси нејзината ќерка.

Не знам точно колку книги од Пико имам прочитано, но би рекла дека е доволно голема бројка за да можам да кажам дека го препознавам нејзиниот терк по кој ги пишува приказните. Има одредени елементи во нив, покрај стилот на пишување, по кои можам да ја препознаам.

Приказната е раскажана од неколку перспективи, што секогаш ми се допаѓа бидејќи имам чувство дека можам пообјективно да ги оценам работите како читател. Мислам дека книгава би била добра за тема на разговор во читателски клуб, со оглед на тоа дека допира до неколку чувствителни теми како смртната казна, злоставувањето, трансплатацијата на органи и влијанието на религијата.

Ликовите се навистина многу разнолики карактерно – имаат многу различна позадина, различни размислувања и ставови, па тоа ја правеше приказната поинтересна. Лесно успеав да се поврзам со ликот на Џун и да сочувствувам со нејзината загуба и дилемата пред која беше исправена.

Имаше неколку моменти кои не ми се допаднаа, но генерално земено, ја оценив со четири ѕвездички. Во продолжение ќе издвојам неколку цитати:

“You know why I think we still execute people? Because, even if we don’t want to say it out loud for the really heinous crimes, we want to know that there’s a really heinous punishment.”

“Everyone’s got a little God in them and a little murder in them, too. It’s how your life turns out that makes you lean to one side or the other.”

“Someone once told me that when you give birth to a daughter, you’ve just met the person whose hand you’ll be holding the day you die.”

“When you’re different, sometimes you don’t see the millions of people who accept you for what you are. All you notice is the one person who doesn’t.”

“When a child is killed, two people die, I think. The only difference is that his mother still had to suffer a heartbeat.”

“Family’s not a thing, it’s a place… It’s where all the memories get kept.”

“I knew what it was like to lose someone you loved. You didn’t get past something like that, you got through it.”